Përshëndetje!
Unë jam Erblini, autori këtij blogu. Kjo është hapësira ime virtuale ku ndaj mendimet e mia. Blogu nuk ka temë qëndrore. Ideja rreth tij ka ndryshuar ndër vite. Nisi si detyrë shkollore, në vitin 2010-të, tanimë vazhdon si hapësirë virtuale.
Kam ndjekur studimet Bachelor për “Shkenca Komunikimi” e më pas ato Master për “Gazetari Evropiane & Ndërkombëtare”.
Prej vitit 2012-të jam gazetar. Kam punuar në radio, shtyp të shkruar, por edhe televizion ku aktualisht mbuloj fushën e sportit.
Prej 2016-ës edhe komentator. Te blloku i komenteve mund të gjeni të detajuar listën e ndeshjeve të komentuara.
Në rubrikën publikime do të gjeni një sërë artikujsh të punuar në kohën kur bashkëpunoja me Shekullin.
Në opinione janë kryesisht mendime kuturu të miat, të shfaqura edhe në rrjetet sociale përmes statusesh apo postimesh të ndryshme.
Këtu kam hedhur edhe një pjesë të studimeve, kryer gjatë shkollës.
Më pëlqen të zbuloj natyrën përmes shtegtimeve, për këtë mbaj dhe një ditar, uroj t’ju pëlqejë!
Gjithashtu, përpiqem të hulumtoj mbi të kaluarën komuniste në arkiva, kjo falë bashkëpunimit me IDMC-ën (Institutin për Demokraci, Media dhe Kulturë). Një pjesë të punimeve do t’i gjeni edhe këtu.
Shpresoj që hapësira ime virtuale t’ju ofrojë ngrohtësi. Lutem të komentoni çfarëdolloj mendimi të keni, jam i hapur për çdo sugjerim tuajin!
Ju faleminderit!
Mund të më kontaktoni përmes postës elektronike: erblinvukaj@gmail.com
SQARIM!
Të gjitha materialet, përveç atyre të nënshkruara, i përkasin autorit. Të drejtat e autorësisë i përkasin vetëm atij. Jeni të lutur të kontaktoni me të përpara se të përdorni për qëllime të ndryshme çfarëdo materiali të këtij blogu.
erblinvukaj.blog 